miss.yoyo
رئيسة قسم الصور
عدد المساهمات : 177
نقاط : 57030
تاريخ الميلاد : 01/01/1990
تاريخ التسجيل : 07/06/2009
العمر : 34
المزاج : cooooooool
 |  موضوع: هام جدا  الأحد أغسطس 02, 2009 2:02 am | |
| السلام عليكم يا حلوين
وحشتونى قلت اجى واجيب لكم هديه
بس شرط
الدعااااااااااااااااء
تعالى الاول اسالك عمرك شفتى بيبى بيتنفس
اللى عندها بيبى تروح تبص عليه وتشوفه بيتنفس ازاى
هقولك ليه بقول كده
الاول اسالى نفسك شعرك وجلدك وضوافرك الغذا بيوصلهم ازاى
اقولك طبعا عن طريق الدم المحمل بالاكسجين
طيب لو قلت لك انك بتتنفسى غلط وبتوصلى نسبه اكسجين قليله جدا للمخ هتصدقينى
ماحدش يزهق انتوا اتعودتوا منى انى بجيب لكم مواضيع كويسه
والموضوع ده رائع بس اصبرى
دلوقتى انا هعلمك تتنفسى صح الاول وماتستغربيش
خليكى معايا مش هتندمى
هتلاقى شعرك بيتحسن وجلدك وظوافرك والقنبله بقى لما تتنفسى صح هعلمك حاجه هتنزل بطنك بطريقه رائعه
يلا نبتدى
حطى ايدك الشمال على بطنك وفوقها ايدك اليمين
خدى نفسك من الانف وانتى قافله الفم
حسى ببطنك دخلت لجوه وانتى بتاخدى النفس ولا خرجت بره
انا عارفه 75% بطنهم هتدخل لجوه صح
طيب جربى بقى انك لما تاخدى النفس تخليه يملا صدرك وبطنك
ولازم تحسى ببطنك بتتملى
افضلى بقى جربى كذا مره
ودى اول خطوه
عارفه انكم هتحسوا بدوخه لان المخ ما كنش متعود على كل الكميه دى من الاكسجين
لو حسيتى بالدوخه خبطى باطراف اصابعك على الوجنتين اللى هما العظمتين تحت العين واعلى الخدود
انا بعلمك ده لاننا اولا لازم نتعلم
نوصل الاكسجين بكميه كافيه لكل الجسم وده بالبديهى هيسحن البشره والشعر
وكل حاجه وهينظف الدم والرئتين وحاجات كتيره اوى
تعالى بقى الخطوه التانيه
حطى ايدك على بطنك برضه الشمال وفوقها اليمين
وخدى النفسى واملى بطنك بالهوا بس استنى المره دى هتاخدى النفس بالراحه فى اربع عدات
طبعا قافله بقك وهتعدى فى سرك
احتفظى بالهوا جواكى عدتين
خرجى بقى الهوا بس المره دى من الفم وانت بتشفطى بطنك لجوه اوى على قد ما تقدرى
جربى ده خمس ست مرات ولما تحسى نفسك بتعمليه صح نيجى للخطوه التالته
اللى هى الهديه هشرح لكم الاول ليه هديه
عارفين ليه الجسم بيخزن الاكل لان ربنا فطر الجسم على حاجه اسمها الاستعداد للطوارئ
وعارفين ان عمليه الهضم فى الجسم بتتم بحرق المواد الغذائيه فى وجود الاكسجين اللى بنتنفسه
صح
والجسم لازمه طاقه علشان يشغل كل
الاجهزه والعمليات اللى بتم فيه يعنى انت قاعده على الكمبيوتر وجسمك لوحده
مشغل الكلى والكبد والقلب وكل حاجه
بس بايه انتى بس بتدخلى له اكسجين بالتنفس
طيب لو منعتى الهوا والاكسجين شويه هيعمل ايه
هيجرى يتصرف علشان يقوم بوظايفه
تعالى نضحك على الجسم ونخليه يخسسنا من غير ما يحس
يلا نعمل اللى عملناه الخطوه اللى فاتت نحط الايد على البطن ناخد النفس فى ارع عدات بس البطن تتملى بالهوا
نحبس الهوا داخل البطن عدتين
نخرج الهوا من الفم فى ارع عدات بس
المره دى هنخرج النفس ومع اخر كميه هوا هنخرجهم بقوه اوى من الفم ونشفط
البطن للداخل ونعمل انقباضه جامده فى عضلات البطن للداخل كانك بتشفطى بطنك
بس لازم ده يحصل بقوه
وافضلى كده من غير ما تاخدى نفس لمده خمس عدات
بس اللى ما تقدرش تكمل الخمس عدات تعمل 3 وتفضل تتدرج وهتوصلوا بالتدريج لاكبر عدد من العدات وانتى مش بتتنفسى
انزلى بجزعك للامام سواء كنتى قاعده او واقفه ببطئ وارفعى جزعك ببطئ
واتنفسى واسترخى
عارفه اللى عملناه ده يساوى كام عده من تمرين البطن المرهق
خمس عدات
وده تقدرى تعمليه وانت واقفه او قاعده فى اى مكان
نفس ببطئ حبس الهوا داخل البطن
عدتين نخرجه فى اربع عدات ببطئ ونزفر بشده مع اخر عده ونقبض عضله البطن
للداخل على قد ما نقدر ونحبس النفس يعنى ما نتنفسش خمس عدات ونميل بالجزع
للامام ببطئ ونرفع ببطئ
عارفين ايه اللى حصل
غير ان عمليه شفط البطن لوحدها بتشد العضل وتخسس
بس احنا كمان عجلنا بحرق كميه كبيره من الدهون فى الجسم ليه بقى
علشان موضوع الجسم ومواجهه الطوارئ
وانه لازم له طاقه يشغل الاجهزه والعمليات الحيويه فيه وانتى منعت
الاكسجين يقوم يحرق دهون علشان الطاقه اللازمه له
استمرى على التمرين ده طول اليوم
وبعد الاكل بربع ساعه دايما
وانا عارفه انك هتدعيلى
بس ادعى كمان لصاحبه الفكره
الحقيقه اتعلمتها من انسانه رائعه
مدربه تنميه بشريه اسمها منال الديب متخصصه فى التخسيس بالتنفس
ولازم الواحد يرجع الفضل لاصحابه بعد الله سبحانه وتعالى جربوا
بس بلاش فتونه فى الفتره اللى بنمنع
فيها النفس خذى كل حاجه بالتدريج وهتوصلى لاكبر عدد من العدات بس واحده
واحده علشان ما يحصلش تلف فى خلايا المخ والعياذ بالله | |
|
al mosekar
مشرف عام
عدد المساهمات : 61
نقاط : 56646
 احترام قوانين المنتدي : 
تاريخ الميلاد : 02/10/1990
تاريخ التسجيل : 06/06/2009
العمر : 34
الموقع : www.mlokel7op.ahlamontada.net
المزاج : شغااااااااااااااااااااااااال
| |
