احترمي نفسك ممكن

السلام عليكــم ورحمـة الله وبركاتــة ،،
احترمي نفسك ممكن Get-9-2008-xywjq3pn

مش تتخضوا من العنوان يا بنات

هدخل فالموضوع علطول بس محتاجة ردود جريئة يا بنات احترمي نفسك ممكن Biggrin

مين فينا محبتش ؟ مين فينا مضعفتش قدام الشخص اللى بتحبه

مين فينا برضه متخددعتش

لو دورنا هنلاقى اننا على رغم سننا الصغير عيشنا احاسيس و مشاعر كتيرة اوى و متلخبطة اوى

ممكن نكون اصلا بنعمل حاجة و مش عارفني بنعملها ليه

علشان اقدر اتكلم من غير ما اتفهم غلط هقول قصة بنت صغيرة

بنت
صغيرة فتحت عينيها ع الدنيا لقيت روحها كبرت و العين عليها اللى عايز
يكلمها و اللى عايز يحبها و هى محتاجة لحب و حنان و محتاجة كمان تحس
بانوثتها

حبت واحد بس للاسف طلع انانى طلب منها حاجات فوق طاقتها و للاسف هى مقدرتش تقول لاءء حست انها ممكن تفقد حبيبها
اللى بالنسبالها بقى كل حياتها

اتنازلت عن حاجة و را حاجة و را حاجة و هى مش عارفة بتعمل كدة ازاى و لا ليه

مهو مفيش غيره حنين عليها و بيحبها و حاسس بيها

فالبيت كل اللى يهمهم انها بتذاكر كويس و بتاكل كويس و بتلبس كويس و خلاص

نسيت ان اللى بيحب مبيجرحش

اللى بيحب بيخاف على حبيبته

اللى بياكل من طبق مبيوسخهوش قبل ما ياكله

الحكاية دى بتحصل كل يوم لحد نعرفه و بنشوفها

علاقات كتير غلط و ملهاش اى مسمى غير انها غلط

و اهى ماشية و ادينا عايشين بنجرى بنجرى من ايد لايد و من حالة لحالة مفيش حتى لحظات نفكر ليه و علشان ايه و هنوصل لايه

اللى عايزة اوصل ليه فالموضوع

ليه البنت متصونش نفسها
و كلمة تصون نفسها هنا مقصدش جسمها بس

انا اقصد كرامتها قلبها مشاعرها

تبقى غالية فكل شئ علشانها هى مش علشان كلام حد

تصون نفسها من جرح هيفضل فذاكرتها طول عمرها

تصون كرامتها من انها تتذل لحد ميستاهلش بصة منها

ياريت يا بنات نعيد النظر فعلاقتنا و طريقة حياتنا
و نحط لينا اهداف نعيش ليها

» احمد مكي ودنيا سمير غانم واغنية دور بنفسك جوا نفسك من فيلم طير انت